KFOR-i italian zhvillon patrullime në Mitrovicë për ruajtjen e sigurisë

Karabinierët italianë që shërbejnë në Njësinë e Specializuar Shumëkombëshe (MSU), në kuadër të misionit të KFOR-it të udhëhequr nga NATO, kanë zhvilluar patrullime të rregullta në Mitrovicë.

Sipas KFOR-it, këto patrullime synojnë të kontribuojnë në ruajtjen e një mjedisi të sigurt dhe të qetë, duke siguruar një prani të dukshme dhe të vazhdueshme të forcave në rajon.

Përmes këtyre aktiviteteve, njësitet e KFOR-it ruajnë ndërgjegjësimin për situatën dhe monitorojnë zhvillimet e sigurisë në terren.

KFOR-i thekson se angazhimet e tilla janë pjesë e përpjekjeve të misionit për të kontribuar në sigurinë dhe stabilitetin në Kosovë, si dhe për të mbështetur lirinë e lëvizjes për të gjithë qytetarët, në mënyrë transparente dhe të paanshme.

Misioni i KFOR-it vazhdon të zbatojë mandatin e tij, të bazuar në Rezolutën 1244 të Këshillit të Sigurimit të Kombeve të Bashkuara të vitit 1999, në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në kuadër të rolit të vet si reagues të sigurisë.